零售的人有福了

零售的人有福了

新一年,新開始,Google SEM 又有新嘢玩💁🏻‍♂。就係 Google 加入新嘅 「促銷額外資訊」 (Promotion Extension) 幫助網店嘅朋友們更容易抓緊節日商機。

每逢佳節,人固然要到,但禮物都唔少得,所以節日前夕零售業嘅營業額都一定會大幅上升🚀。各商店老闆自然出盡殺手鐧,務求喺哩段時間獲得最大收益,而促銷定必成為其中一大殺著。

有見及此,早喺 2016 年年底 Google 就開始對 「促銷額外資訊」 進行一系列測試,終於喺 2017 年年底喺香港🇭🇰上線!

話明促銷額外資訊,主要用途當然係幫廣告商展示其正在進行促銷嘅產品從而吸引使用者目光。以下將初步介紹一下其優點及特性,希望可以令大家對佢有小小嘅初步認識:

  1. 額外資訊將顯示喺廣告下方⬇
  2. 可選擇節日或自定日子📆
  3. 可設定折扣金額或百分比💰
  4. 可加入促銷活動相關條件,如代碼或消費滿指定金額💲

值得一提嘅係「促銷額外資訊」係國外普遍都錄得唔錯嘅成績,唔知香港又會點呢?! 打左咁耐希望大家會中意啦

#哩啲叫浪漫經濟 #情人眼裡出商機 #adwords #promotionextention#promotion #數碼營銷 #數碼營銷方案 #digitalmarketing #onlinemarketing#adlinkage